SMS-роўмінг

SMS-роўмінг — паслуга, якая дазваляе абменьвацца кароткімі тэкставымі паведамленнямі ў выпадку калі абанент знаходзіцца ў зоне дзеяння сеткі, з якой заключанае роўмінгавае пагадненне.

Як падключыць паслугу?

Вам прадастаўляецца магчымасць самастойнага падключэння гэтай паслугі. Дастаткова даслаць SMS-паведамленне (у зоне дзеяння сеткі МТС-РБ) на нумар 0870249, якое змяшчае лацінскую літару «a» або «A». Пры паспяховым падключэнні абанент атрымлівае пацвярджэнне выгляду: «Zayavka na dobavlenie "Sms Roaming" prinyata».

Як гэта працуе?

Пры наяўнасці ў Вас паслугі «SMS-роўмінг», тэлефон мусіць аўтаматычна зарэгістравацца ў сетцы, калі Вы знаходзіцеся ў зоне дзеяння сеткі, з якой заключанае роўмінгавае пагадненне. Калі гэтага не адбылося, трэба ўсталяваць сетку ўручную.

Для гэтага Вам неабходна:

• Выключыць мабільны тэлефон да перасячэння мяжы з іншай дзяржавай і ўключыць тэлефонны апарат пасля перасячэння мяжы. У выпадку аўтаматычнай рэгістрацыі на дысплэі апарата з'явіцца назва мясцовага аператара GSM.
• Калі аўтаматычнай рэгістрацыі не адбылося, трэба ўсталяваць сетку самастойна (цераз меню апарата ў адпаведнасці з інструкцыяй па карыстанню тэлефонам). Знайсці і абраць опцыю «Сеткі» або «Выбар сотавай сеткі», пасля гэтага ажыццявіць пошук новых сетак. На дысплэі мусіць з'явіцца пералік кодаў і/ці назваў мясцовых аператараў GSM, пасля чаго ажыццявіце выбар сеткі.

Для адмаўлення ад паслугі неабходна даслаць SMS-паведамленне на нумар 0870249, якое змяшчае лацінскую літару «r» або «R». Пры паспяховым адключэнні гэтай паслугі абанент атрымлівае пацвярджэнне выгляду: «Usluga "SMS Roaming" uspeshno udalena». Пасля адмаўлення ад паслугі абаненту трэба перарэгістравацца ў сетцы шляхам выключэння і паўторнага ўключэння апарату.

Для функцыянавання паслугі неабходная наяўнасць наступных умоваў:

• Наяўнасць паслугі «Служба кароткіх паведамленняў»
• Карэктна здзейсненыя настройкі апарата для дасылання кароткіх паведамленняў (нумар цэнтру кароткіх паведамленняў +375 29 777 0000).

Нумар тэлефона, на які дасылаецца паведамленне, мусіць быць уведзеным у міжнародным фармаце: +375 29 7 XXX XXX

Увага!
Звяртаем вашу ўвагу на тое, што падключэнне паслугі «SMS-роўмінг» адключае ўсе галасавыя выклікі і ўсе паслугі акрамя SMS, нават пры знаходжанні ў зоне дзеяння сеткі СТАА «Мабільныя ТэлеСістэмы». Для актывацыі галасавых выклікаў неабходна адключыць дадзеную паслугу. Адмена паслугі «SMS-роўмінг» скідае настройкі пераадрасавання, чакання выкліку, забароны выкліку і пароль доступу да галасавой пошты.

Колькі каштуе?

За падключэнне паслугі «SMS-роўмінг» спаганяецца плата ў памеры 6300 руб. (без уліку ПДВ і збору за паслугі сувязі)