Сістэма мэнэджменту якасці

Кампанія МТС стала першым сотавым аператарам Беларусі, які атрымаў сертыфікат адпаведнасці сваёй сістэмы мэнэджменту якасці патрабаванням СТБ ІСО 9001, гарманізаваным з патрабаваннямі міжнародных стандартаў ISO серыі 9000.

Выдадзены МТС сертыфікат пацвярджае, што ў кампаніі паспяхова укаранілася сістэма мэнэджменту якасці, якая дазваляе забяспечыць найбольш поўную задаволенасць спажыўцоў якасцю прадуктаў, паслуг і абслугоўвання МТС, а таксама адпаведнасць дзейнасці кампаніі чаканням грамадства, персанала, інвестараў і партнёраў.

Сістэма мэнэджменту якасці, якая была распрацавана і ўкаранілася ў СТАА «Мабільныя ТэлеСістэмы», атрымала высокую адзнаку з боку экспертаў — аўдытараў органа па сертыфікацыі.

«Сертыфікат якасці, упершыню атрыманы беларускай кампаніяй — аператарам сотавай сувязі, — гаворыць аб многім, — адзначае генеральны дырэктар СТАА «Мабільныя ТэлеСістэмы Ўладзімір Карповіч. — Нашы бізнэс-працэсы прызнаныя высокаэфектыўнымі, а арганізацыя — цалкам падрыхтаванай да таго, каб успрымаць і выконваць патрабаванні міжнароднага стандарту. Ад укаранення Палітыкі Якасці на практыцы выйграе ў першую чаргу абанент. Сёння ён атрымаў гарантыю, што яго патрэбнасці — а ў эпоху выбухнага развіцця тэлекамунікацый яны хутка растуць — будуць своечасова і найбольш поўна здаволеныя, і ў мабільнага аператара ёсць для гэтага дастатковыя рэсурсы і механізмы».

Сістэма мэнэджменту якасці прадугледжвае такую арганізацыю кіравання патэнцыялам кампаніі, якая забяспечыць якасна новы ўзровень яе функцыянавання. Стабільна і стала паляпшаемы ўзровень якасці паслуг дазволіць найбольш поўна задаволіць патрэбнасці кліентаў.