Кіраванне рахункам і аплата паслуг

Злічэнне сродкаў з рахунку абанента

Злічэнне сродкаў з асабовага рахунку абанента адбываецца ў адпаведнасці з відам паслуг сувязі. Абанентам забяспечваюцца наступныя віды паслуг:

Тэлефонныя

Паслугі падчас сеансу сувязі: напрыклад, уваходныя і выходныя выклікі, перадача даных/факсаў, SMS.

Тарыфікація тэлефонных злучэнняў абанентам МТС, выкананых у хатнія сеткі, адбываецца на працягу 1-2 гадзін пры ўмове нармальнай працы сеткі.

Перыядычныя

Паслугі, што аказваюцца ўвесь час на працягу пэўнага перыяду: абаненцкая плата, сеткавыя і дадатковыя паслугі.

Злічэнне сродкаў за перыядычныя паслугі ажыццяўляецца роўнымі долямі на працягу сутак падчас усяго перыяду. Напрыклад, штодзённая сума злічэння за паслугу «Антывызначальнік нумара» у тарыфным плане «Любімы» складае 4100 руб./30 = 136 руб., дзе 4100 руб. — штомесячная абаненцкая плата (без уліку ПДК і падаткаў за паслугі), а 30 — колькасць дзён у разліковым перыядзе.

Разавыя

Паслугі, што аказваюцца і аплачваюцца аднаразова, па меры неабходнасці: напрыклад, замена SIM-карткі, змяненне тарыфнага плану, дадаванне паслугі «Галасавая пошта».

Разавыя паслугі тарыфікуюцца на момант аказання паслугі.

Кантроль за станам рахунку

Для зручнасці абанентаў у МТС прадугледжаныя наступныя спосабы кантролю стану свайго асабовага рахунку:

Мабiльны Памочнік

Для працы з Мабільным Памочнікам з вашага мабільнага тэлефона неабходна набраць нумар 0870 і далей прытрымлівацца інструкцый аўтаінфарматара. Для доступу да Мабільнага Памочніка з гарадскога тэлефона набярыце 8 029 777 0870 сістэма папросіць ўвесці нумар вашага мабільнага тэлефона і пароль, які неабходна ўсталяваць, спачатку патэлефанаваўшы па нумары 087021.

Апісанне паслугі Мабільны Памочнік

Інтэрнэт-Памочнік

Прытрымліваючыся інструкцый, увядзіце нумар вашага тэлефона і пароль (супадае з паролем доступу да Мабільнага Памочніка). Вы трапляеце на вашу персанальную старонку, дзе размешчаныя астатак сродкаў на асабовым рахунку, інфармацыя аб плацяжах, і дзе таксама можна замовіць дастаўку рахунку.

Апісанне паслугі Інтэрнэт-Памочнік

USSD-запыт балансу

USSD-запыт балансу — гэта дадатковая паслуга сувязі, якая дазваляе абаненту МТС з дапамогай запыту на USSD-нумар *100# атрымаць на свой мабільны тэлефон інфармацыю аб стане балансу асабовага рахунку свайго абаненцкага нумара, на тарыфных планах лінеек «Оптыма» і «Профі» яшчэ і астатак бясплатных хвілін, пры ўжыванні Інтэрнэт-пакетаў «Інтэрнэт+20», «Інтэрнэт+60», «Інтэрнэт+120» — рэшту бясплатнага Інтэрнэт-трафіка.

Апісанне паслугі USSD-запыт балансу